أدمن عصبي وقرر يعمل منتدي شوفوا القوانين

في واحد عصبي جدا عمل منتدي و بقي مدير عام عليه
شوفوا بقي القوانين اللي حطها


وطبعا دا غير الأدمن بتاعنا تماماً


1- عضويتك تبقي بأسم محترم و ابن حلال و يا ريت تكون بالعربي
مش هقرف نفسي و أقعد أترجم انا و إلا هتتوقف
و أي حد مش عاجبني اسمه هيتوقف

2- أي رد مفهوم أو غير مفهوم هتتوقف

3- تشارك من سكات

4- قسم الفرفشة تكتب تعليق و انت ساكت و مش عاوز ضحك كتير

5- قسم المسابقات تلعب من غير أي هزار

6- ماتقعدش فاتح المنتدي طول اليوم عشان متضغطش علي السيرفر
سيب فرصة لغيرك عشان يتنيل يدخل

7- أي موضوع مكرر أو منقول أو حتي جديد يحذف فورا

8- قسم الشكاوي مشوفش فيه موضوع واحد و إلا تتوقف

9- تخليك في حالك و متتكلمش مع حد من الأعضاء جوة المنتدي أو برة المنتدي

10- ممنوع أي هزار أو تعارف أو تهنئة

11 - ممنوع الرسائل الخاصة بين الأعضاء

12 - ممنوع استعمال الوجوه الضاحكة يمكن أستعمال الوجوه الغاضبة بس



وياويله يا سواد ليله اللى هيخش المنتدى وميشكرش فيا